芯榆妹轉眼已經二十個月大!

不經不覺我芯榆BB已經二十個月大，快樂的時光真係過得好快，由最初大家都話我似波兒的小BB轉眼已變成有少女FEEL既芯榆妹。而且身體亦高了很多，已經有86CM，亦開始食大人既東西，學會講很多複音字如︰DAD DAD MOM MOM 婆婆 公公，很喜歡唱只有我才聽得懂既歌仔，不過DADDY同MOMMY有D擔心我不肯學講太多新字，太喜愛睇DISNEY既卡通。不過唔緊要啦﹗我有時都係古靈精怪同有D情緒，好多少朋友都係咁，俾多D耐性教我啦﹗

我都差不多兩歲了，DADDY同MOMMY除了已安排我去讀PLAYGROUP外，亦都開始搜集資料幫我搵學校，報讀出年既幼兒班，遲D就要去面試了，希望我既表現會好D啦﹗

芯榆十四個月大!

芯榆學行實錄

小芯榆生日派對

小芯榆成長相冊

按下連結即可觀看︰

http://fdw.fotomax.com/imagestore/preview/100111685881.htm

為慶祝小芯榆一歲生日，DADDY和MOMMY為我做了一本成長相冊和大家分享。原來時間真係過得好快，我的樣子亦改變了很多﹗

2010年的"芯"願

踏入新的一年，DADDY同MOMMY都希望小芯榆健健康康、快高長大﹗而我一定會繼續努力，學習不同的新事物，為家人帶來更多歡笑聲﹗

HAPPY NEW YEAR﹗﹗

元旦日家中並沒有甚麼特別的活動，平平安安渡過了2009年。回想我出世至今，家人為了我辛苦了一年，經常要為我的事擔心，特別是婆婆和媽媽，把我照顧得很好，好想對她們講聲"多謝"﹗深夜倒數時其實我已經乖乖睡覺 (原來我真是一個貪睡寶寶)﹗哈哈﹗

最後祝大家新既一年開開心心、健健康康﹗HAPPY TWENTY-TEN!

小芯榆十一個月大﹗

芯榆BB十一個月大啦﹗我現在正努力學習走路，試著在爸媽的幫助下左右腳交替邁步。亦可以從站姿蹲下來，也可以從坐姿站立起來，但還不是很穩，有時會用個屁股墩下來坐在地上。我已經能扶著東西能穩穩地站立，走動，喜歡四周觀察。我喜歡把玩具扔到地上，要爸媽、姐姐幫我撿起來，樂此不疲。而且對盒子、瓶子很感興趣，並試圖打開及咬它；還會自己翻書頁。但最惹人討厭的是用牙仔去咬人。

我都好喜歡模仿他人表情和熟悉的說話聲，自言自語地說些別人聽不懂的話。爸媽、婆婆同姐姐都不時教我講說話。他們都教我不同的東西及帶我出去看新奇的事物。不過我還是有點怕陌生人，其他小朋友想同我玩都有D怕﹗(估唔到我同爸爸一樣咁怕醜。)

現在我的消化和咀嚼能力已不錯，婆婆每天都弄很多營養的東西給我吃，亦都減少飲奶奶了。甚麼東西都會嘗試吃。我同爸爸一樣，最喜歡就是食魚魚﹗

原來下個月已經是我的生日，唔知大家會點樣同我慶祝呢？

芯榆BB出咗四隻牙仔﹗

小芯榆D牙仔終於生了出來，而且有4隻咁多，好似仲有2隻生緊出來。對門牙仲好大隻喎，以後可以食更多不同的東西，而且唔駛再俾人笑我無牙妹﹗哈哈﹗

芯榆十個月大啦!

我最近學識 Boo...Boo...Boo! 真係好得意﹗

我係咪愈來愈識得擺POST呢!

不經不覺我芯榆BB已經十個月大，現在身手已經好敏捷，爬得好快，而且已經可以穩穩的站起來。最重要的是牙仔終於長出來了，媽咪話D牙仔好大隻，好似是大板牙。有時我會不停發出不同的叫聲，當我叫"pa...pa...pa...pa"時，Daddy就好開心以為我叫佢，真係好笑﹗哈哈﹗

"大個女係我﹗"

飲水水都咁開心？

我大個咗想做....？？(細細個就咁多嘢諗﹗)

你睇我幾有大家姐風範﹗

好多謝舅父仔今日專誠入來元朗替我影相，我們於公園、會所四周影了很多相，大家都很滿意，而且我都玩我好開心﹗(不過真係唔知點解舅父仔成日都係我面前跳舞？？)

大眼BB已經八個月大

原來我芯榆bb咁快就八個月大，大家都話我的樣子改變了好多，同小bb時已有好大分別。個樣除了女仔好多外，眼仔水汪汪，眼睫毛又長長，真係好kawaii。雖然牙仔仍然未長出來，但現在我已經學會扶着東西企起來，可能因為我腳瓜有力，站起來穩穩當當，而且也學會爬行了，所以Daddy同Mommy都很擔心我會跌倒!

小芯榆六個月大

今日我小芯榆六個月大了，我已經學會了自己翻身，也可以自己坐在椅子上。經常伸手拉開臉上的手帕，也會伸手想抓及敲打東西。我已經開始懂得認人，當別人看我時，也會好奇地回望他，別人逗我及與我拍照時，也會微笑。餵東西給我吃時，會自己張開嘴巴，或者用其它的動作來表達想吃。經常咿咿呀呀地發出不同的聲音，大家也好像明白我說甚麼，與我談話。有時自己玩口水來發出聲音也能自得其樂呢！

吃東西方面，已開始進食粥仔，不過沒有以前那麼喜歡飲奶奶。DADDY、MOMMY也開始給我玩一些能發出聲音的玩具來訓練我的動作和反應。最近，拿到了什麼也自然放進口中，可能是準備出牙仔吧﹗

BB已經5個月大

媽咪很喜歡我這張相片，佢話我一本正經的樣子好大個女、好成熟呢！

我已經5個月大，比起初出世時，樣子已經變了很多。坐得比之前穩，手腳亦愈來愈多活動，不過最令DADDY、MOMMY頭痛是我開始厭奶期，而且脾氣也比較大，其實我也不想這樣，希望他們不會因此而生氣﹗

芯榆小公主

你地睇吓我幾靚女，今日DADDY同MOMMY帶我出街街，媽咪選了一條好靚既新裙仔俾我著，大家都話我好似小公主﹗哈哈﹗

芯榆好叻女﹗

DADDY、MOMMY最近開始加緊訓練我，包括我頭部既活動及身體既發展。除了用手脚玩波波外，我已經可以自己撐起身體，雖然有點吃力，不過我一定會俾心機，做到最好。

芯榆BB四個月大﹗

我芯榆BB轉眼間已經四個月大，現在已經可以睇到較遠的物體，眼睛、耳朵已能和手腳的運動慢慢協調，聽到聲音會轉過頭去尋找聲源。見到色彩鮮豔的物品在視線範圍內移動時，頭仔也能隨著物品的運動而轉動。而且開始認得身既人，見到DADDY、MOMMY、婆婆、姐姐都識得笑。現在我已較少飲母乳，同時，奶粉的份量穩定下來。去健康院檢查時，一切都發展唔錯 (已經17磅幾啦﹗)，只係有時個頭仔偏向右面較多﹗

P.S. 你睇吓我大脾幾好睇﹗﹗

BB百日宴

滿月酒與百日宴俱為中國傳統習俗，滿月酒是待ＢＢ與媽咪坐月完畢，大排筵席邀請親友同賀ＢＢ「彌月之喜」，慶祝新生命來臨。為新生嬰兒擺百日宴，原來是取其長命百歲之寓意。百日具有強大、完美既意思。

四月十八日是我三個月大的大日子，爹哋、媽咪和婆婆為我籌備了這次百日宴，好多親友都一早到來為我慶祝，四代同堂。這晚我成為大家既焦點，除了輪流要抱抱我外，所有人都爭相與我拍照，像明星一樣。其實我有D緊張，但表現也不錯，成晚都無扭計，好多人都讚我精靈同好乖。整晚既氣氛都好熱鬧，雖然我有點疲倦，但真的十分高興﹗