BB游水水

BB百日宴

滿月酒與百日宴俱為中國傳統習俗，滿月酒是待ＢＢ與媽咪坐月完畢，大排筵席邀請親友同賀ＢＢ「彌月之喜」，慶祝新生命來臨。為新生嬰兒擺百日宴，原來是取其長命百歲之寓意。百日具有強大、完美既意思。

四月十八日是我三個月大的大日子，爹哋、媽咪和婆婆為我籌備了這次百日宴，好多親友都一早到來為我慶祝，四代同堂。這晚我成為大家既焦點，除了輪流要抱抱我外，所有人都爭相與我拍照，像明星一樣。其實我有D緊張，但表現也不錯，成晚都無扭計，好多人都讚我精靈同好乖。整晚既氣氛都好熱鬧，雖然我有點疲倦，但真的十分高興﹗

芯榆BB好健康!

仲有幾日我就三個月大，時間過得好快，連我的樣子也改變了好多。最近DADDY同MOMMY都為我的百日宴好緊張，除了要聯絡親友外，亦要諗吓點樣同我扮靚D!

BB私家車

今日係復活節假期，我地一家人出外食嘢同行街，現在我已很習慣坐我的私家車，亦都好鍾意出街逛。雖然有時DADDY推得好快，搞到我好驚，不過算啦﹗我都好想出去睇吓外面既世界。

BB浴(肉)照

這個星期，媽媽要開始返工，真係有D唔開心同唔習慣，不過婆婆同LARA姐姐都照顧得我好好。每天早上食完早餐，我都會繼續睡覺，下午玩一陣就沖涼，然後就乖乖等DADDY同MOMMY返嚟親我，真係好掛住佢地呀﹗

P.S. 仲有一個星期我就三個月大喇﹗

今日打針針

今日媽咪帶我去兒科醫生到打針針。過程好順利，都唔係好痛。不過大家都好擔心打完針會有D副作用(可能會發燒)。最後我只係有D疲倦，無平時咁活躍，唯有早D瞓啦﹗